Beynəlxalq Qadınlar Günü ərəfəsində Rusiyanın kosmetika brendi BISOU öz qəhrəmanlarına nəyin təbəssüm və xoşbəxtlik hissi verdiyini öyrənmək qərarına gəlib.
Publika.az xəbər verir ki, onlar araşdırmanın nəticələrini Gazeta.ru ilə bölüşüblər.
Şirkət “VKontakte” sosial şəbəkəsində genişmiqyaslı sorğu keçirməyə başlayıb. İştirakçılardan “Qadın xoşbəxtliyi nədir?” sualına doqquz cavab variantından üçünü seçmək istənilib. Tədqiqatda 2000-dən çox rusiyalı qadın iştirak edib. Cavablar üç varianta bölünüb.
“Rus qadınlarının 61,55%-i üçün qadınların xoşbəxtliyi ailə və uşaqlardır. Respondentlərin 49,33%-ni sevgi və hörmət xoşbəxt edir, respondentlərin 29,63%-i qadının xoşbəxtliyini özünü reallaşdırmaqla əlaqələndirir”, - ekspertlər bildirib.
Hüseyn İbadlı
