Kanadada polisin “Evdə hücuma məruz qalmamaq üçün avtomobilin açarlarını ön qapıda qoyun” tövsiyəsi sosial şəbəkələrdə ələ salınıb.

Publika.az xəbər verir ki, Kanadanın Toronto şəhərində ev və avtomobil oğurluğu artması səbəbi ilə Etobicoke bölgəsində təhlükəsizlik toplantısı keçirilib. Polis Marko Rikkardi vətəndaşlara ev oğruları ilə üz-üzə gəlməmək üçün avtomobillərin açarlarını onların tapa biləcəyi yerdə saxlamağı təklif edib:

"Öz evinizdə hücuma məruz qalmaq istəmirsinizsə, açarlarınızı ön qapıda saxlayın, çünki onlar sizin avtomobilinizi oğurlamaq üçün evinizə soxulurlar, başqa heç nə istəmirlər. Onların əksəriyyətində əsl silah var və güllə yüklüdür, bunlar oyuncaq deyil”.

Statistikar göstərir ki, Böyük Toronto bölgəsində avtomobil oğurluğu əvvəlki illərlə müqayisədə 25 faiz artıb. Bundan əlavə, ev oğurluqlarının faizi də artıb.

Roza Şəfiyeva