Çeçenistan rəhbəri Ramzan Kadırovun oğlu Adam Kadırov Vladimir Putin adına Rusiya Xüsusi Təyinatlı Qüvvələri Universitetinin (RUS) kuratoru təyin edilib.

Publika.az xəbər verir ki, bu barədə R.Kadırov "Telegram" kanalında məlumat yayıb.

“Əziz qardaşım, RUS-un rəhbəri Baybetar Vayxanovun xahişi ilə mən Adam Kadırovu RUS-un kuratoru təyin etmək qərarına gəldim. O, məşhur universitetin fəaliyyəti ilə yaxından tanışdır, ona görə də inanıram ki, o, üzərinə düşən vəzifələrin öhdəsindən çox yaxşı gələcək”, - deyə respublika rəhbəri yazıb.

Xatırladaq ki, fevral ayında Kadırovun böyük oğlu Axmat Çeçenistanın gənclərlə iş üzrə naziri vəzifəsinə təyin olunub. O, həmçinin Kadırov ordeni ilə təltif edilib.

Hüseyn İbadlı