Rusiyanın daşınmaz əmlak icarəsi bazarında ən bahalı sövdələşmə Soçidə bağlanıb. Onun dəyəri 33 milyon rubl (627 000 manat) təşkil edib.

Publika.az xəbər verir ki, bu barədə “İzvestiya” məlumat yayıb.

Göstərilən məbləğə müştəri bütün Yeni il tətilləri üçün kurortda penthaus (axırıncı mərtəbədə ayrıca sahə) bron edib. Obyektin sahəsi 245 kvadratmetrdir və elit rezidensdə yerləşir. Bir mənzildə bir gecənin qiyməti üç milyon rubl (57 000 manat) təşkil edir.

Ekspertlər qeyd edirlər ki, sövdələşmə Rusiyanın aparıcı penthausundan yeddi dəfə baha başa gəlib. Bundan əvvəl ən yüksək büdcəli kirayə mənzil Moskvada gündə 445 min rubl (8 455 manat) olan bir əmlak olub.

Xatırladaq ki, bundan əvvəl Moskvada köhnə binalardakı ən bahalı mənzilin qiyməti elan edilmişdi. Bu kateqoriyada satın alına bilən əmlaklar arasında ən bahalı mənzil qiymət 950 milyon rubl (18 050 000 manat) dəyərində olub.

Adəm