Gürcüstanın baş naziri İrakli Qaribaşvili İsrailə qarşı silahlı hücumları pisləyib.
Publika.az xəbər verir ki, bu barədə o, Davosda Dünya İqtisadi Forumu çərçivəsində İsrail lideri İsaak Hersoqla görüşü zamanı bildirib.
“Gürcüstanın Baş naziri qeyd edib ki, Gürcüstan hökuməti İsrail dövlətinə və onun vətəndaşlarına qarşı həyata keçirilən terror aktlarını pisləyir”, - bəyanatda deyilir.
Qaribaşvili və Hersoqun təhlükəsizlik baxımından mövcud olan çağırışlarla bağlı fikir mübadiləsi apardıqları da aydınlaşdırılır.
Bundan əlavə, tərəflər Gürcüstan və İsrail arasında əməkdaşlığın dinamikasını müzakirə ediblər. Qaribaşvili qeyd edib ki, ölkələr arasında tərəfdaşlıq və dostluq münasibətləri həmişə yüksək səviyyədə olub.
Hüseyn İbadlı
