Amerikalə məşhur müğənni Beyons, sosial mediada yayımlanan videoda "Freedom" mahnısının icazəsiz istifadə edilməsinə görə Donald Trampın kampaniyasını hüquqi tədbirlərlə hədələyib.

QÜTB.AZ xəbər verir ki, bu barədə “Rolling Stone” məlumat yayıb.

Bildirilib ki, ABŞ-ın keçmiş prezidentinin mətbuat katibi Stiven Çunqun fonda səslənən “Freedom” mahnısı ilə Trampın təyyarəni tərk edərkən çəkilmiş videosunu paylaşmasından sonra müğənninin səsyazma şirkəti Tramp kampaniyasına məktub göndərib.

Eyni mahnıdan ABŞ prezidentliyinə namizəd Kamala Harris iyul ayında prezident Co Baydenin 2024-cü ildə prezident postunu tərk edəcəyini elan etdikdən sonra ilk dəfə ictimaiyyət qarşısında çıxış edərkən istifadə edilib. Bundan başqa, Harrisin prezident seçkiləri kampaniyasına həsr olunmuş ilk videosunun saundtrekində Beyonsun 2016-cı ildə işıq üzü görən “Limonad” albomuna daxil edilmiş mahnısı yer alıb.

Beyons, Harrisin prezidentliyə namizədliyini açıq şəkildə dəstəkləməsə də, CNN onun axşam Demokratlar Partiyasının yekun Milli Konvensiyasında çıxış edə biləcəyi ilə bağlı şayiələr yayıb.

Bu, məşhur müğənnilərin Tramp kampaniyasının onların mahnılarından icazəsiz istifadə etməsinə qarşı qəzəblərini ilk dəfə ifadə etmələri deyil.

Əvvəllər müğənni Selen Dionun komandası onun “Titanik” blokbasterinin saundtreklərindən birinə çevrilmiş “My Heart Will Go On” mahnısından istifadə etməsi ilə bağlı öz qəzəblərini bildirib.

Bundan əlavə, Neil Young, Queen və the Rolling Stones da daxil olmaqla məşhur sənətçilər və qruplar artıq Trampın seçki kampaniyalarında onların mahnılarından istifadə etməsindən şikayətləniblər.

Hüseyn İbadlı