Avropa İttifaqında qaz axınlarının paylanması ilə bağlı mübahisə alovlanır.

Qutb.az xəbər verir ki, bu barədə “RİA Novosti” məlumat yayıb.

Bildirilib ki, Çexiya Almaniyanı iki ölkənin sərhədində boru kəmərinin ötürmə qabiliyyətini bilərəkdən azaltmaqda ittiham edib. Çexiyanın sənaye və ticarət naziri Yozef Sikelanın sözlərinə görə, Almaniyanın “Gascade Gastransport” şirkəti qoşulma məntəqəsinin çıxış gücünü oktyabrın 1-dən dörd dəfədən çox - 69 GVt/saatdan 14,5 GVt/saata qədər azaltmağı planlaşdırır.

Şirkət bunu Rusiya idxalının dayandırılması səbəbindən qaz həcmlərinin ümumi azalması ilə izah edib. Həqiqətən də “Eurostat”ın məlumatına görə, 2024-cü ilin birinci rübündə Avropa İttifaqına qaz, neft və neft məhsullarının ümumi tədarükü 10,4 faiz azalaraq 183,8 milyon tona düşüb.

Ekspertlərin fikrincə, Rusiya tədarükündən “şaxələndirmə” və “imtina” adı altında hər bir Avropa İttifaqı ölkəsi öz maraqlarını təmin etməyə çalışır. Rusiyanın "Energy Plus" şirkətinin inkişaf direktoru Pavel Marışev isə bildirib ki, Almaniya Avropa bazarını “de-rusiyalaşdırmaq” istəyi ilə enerji siyasətinin yanlış hesablamalarını ört-basdır etməklə Çexiya tranzitini saxlaya bilər.

Analitiklər xəbərdarlıq edirlər ki, bu cür hərəkətlər bəzi Avropa İttifaqı ölkələrində yanacaq böhranına və enerji suverenliyinə təkan verə bilər. Təkcə Çexiya deyil, Macarıstan, Slovakiya, Avstriya, həmçinin Polşa və Moldova da risk altındadır.

Vazeh BƏHRAMOĞLU