"Kömək elə" sözünü eşitdik, getdk, gördük keçiniblər" - Qətlə yetirilən ər və arvadın qonşusu
Anası tərəfindən döyülən azyaşlı sığınacağa yerləşdirildi – Rəsmi açıqlama
Günlərdir anası tərəfindən fiziki zorakılığa məruz qalan azyaşlı "Azərbaycan Uşaqları" İctimai Birliyinin (AUİB) nəzdində fəaliyyət göstərən Uşaq Sığınacağı Reinteqrasiya Mərkəzinə yerləşdirilib.
Bu barədə "Azərbaycan Uşaqları" İctimai Birliyinin (AUİB) mətbuat katibi Rüfət Zəkizadə məlumat verib.
Onun sözlərinə görə, azyaşlının yeri Azərbaycan Respublikasının Daxili İşlər Nazirliyi Bakı Şəhər Baş Polis İdarəsi, Suraxanı Rayon İcra Hakimiyyəti, Sosial Xidmətlər Agentliyi və Ailə, Qadın və Uşaq Problemləri üzrə Dövlət Komitəsinin dəstəyi ilə müəyyən edilib. Uşağın təhlükəsizliyinin təmin edilməsi və hüquqlarının müdafiə olunması məqsədilə o, sığınacağa yerləşdirilib.
“Uşaq ilkin tibbi qiymətləndirmədən keçirilib və onun bədənində döyülmə izləri aşkar edilib. Hazırda sığınacaqda onun bütün ilkin ehtiyacları qarşılanır”, – deyə Rüfət Zəkizadə bildirib.
Hazırda məsələ ilə bağlı aidiyyəti dövlət qurumları tərəfindən araşdırma aparılır.