ABŞ kəşfiyyatının fikrincə, İsrail HƏMAS-ı məhv etmək iqtidarından çox uzaqdır.
Publika.az xəbər verir ki, “Wall Street Journal” qəzetinin xəbərində İsrailin Qəzzaya hücumları və HƏMAS-ın gücü ilə bağlı ABŞ kəşfiyyat mənbələrindən alınan məlumatlar çatdırılıb.
Xəbərdə HƏMAS-ın İsrail qüvvələrinə aylarca hücum etmək üçün kifayət qədər sursata sahib olduğu paylaşılıb. Qəzzanın bəzi bölgələrində polis qüvvələrini bərpa etməyə çalışdığı bildirilib.
Qəzzada HƏMAS döyüşçülərinin 20-30 faizinin öldürüldüyü və İsrailin HƏMAS-ı məhv etmək iqtidarından çox uzaq olduğu vurğulanıb. İsrail rəsmiləri Qəzzada minlərlə dinc sakinin ölümünə səbəb olan hücumunlara baxmayaraq, HƏMAS-ı məhv etmək məqsədinə nail ola bilmədiklərini etiraf ediblər.
Xəbərdə müharibənin aylarla davam edə biləcəyi də vurğulanıb.
Roza Şəfiyeva
