Keniyada 400-dən çox adamın ölümünə səbəb olan “aclıq təriqətinin” lideri Pol Makkenzi sərbəst buraxıla bilər.
Qütb.az xəbər verir ki, Keniya Baş Prokurorluğu hələ də Makkenziyə ölümlərlə bağlı ittiham irəli sürməyib. Məhkəmə Makkenzi və onun 29 şərikinə qarşı ittiham irəli sürmək üçün prokurorluğun 14 gün vaxtının olduğunu xatırladıb. Əks halda lider və onun tərəfdaşları sərbəst buraxılacaq.
Qeyd edək ki, əməliyyatlar zamanı 95 nəfər xilas edilib. Təriqət liderinin həyat yoldaşı Coys Mvikamba da daxil olmaqla bir çoxları həbs edilib.
Lider istintaqın əvvəlində polisə 1000 nəfərin meyitini tapacaqlarını bildirmişdi.
