"Real"ın gənc lideri Cud Bellinqem təkcə uğurlu karyerası ilə deyil, şəxsi həyatı ilə də gündəmə gəlməyə başlayıb.
İspaniyanın “Marca” nəşrinin məlumatına görə, ingilis futbolçu hazırda həmyerlisi model və influenser Asanteva Çitti ilə görüşür. Bellinqem "İnstaqram"da 35 minə yaxın izləyicisi olan 22 yaşlı modeldən iki yaş kiçikdir.
Cudun onunla münasibətləri 2022-ci ildə başlayıb. Çitti Dünya Kuboku zamanı sevgilisini dəstəkləmək üçün Qətərə gedib. Bu zaman onların münasibəti ortaya çıxıb.
Cütlük münasibətlərini gizli saxlamağa üstünlük verir. Buna görə də nə Asanteva, nə də Cud sosial mediada birgə fotolarını yayımlamayıb.
Qeyd edək ki, ingilis yarımmüdafiəçi bu mövsüm "Real" forması ilə bütün yarışlarda 31 oyunda 20 qol vurub. O, "Real"ın bombardiridir.
