Bir neçə ay əvvəl “Milan”ın sahibi Qerri Kardinal dünyanın bir nömrəli tennisçisi Novak Cokoviçə klubda iş təklif edib.
Publika.az xəbər verir ki, serbiyalı raketka ustasına psixoloji məşqçisi vəzifəsi təklif olunub. “La Repubblica”nın məlumatına görə, Kardinal Cokoviçin komandanın oyunçuları ilə yaxından işləməsini planlaşdırıb. O, motivasiya xarakterli çıxışlarla komandanı dəstəkləməli idi. Hətta bunun üçün serbiyalı idmançıya müqavilə təklif etməyə də hazır olub.
Bununla belə, “Milan” azarkeşi olan və komandanın “San-Siro”da keçirilən oyunlarına mütəmadi olaraq qatılan ulduz tennisçi bu məsələ ilə bağlı rəsmi danışıqlar aparmaqdan yayınıb. Onun hansı səbəbdən belə addım atdığı məlum deyil.
