"WhatsApp" "Statuslar" bölməsindəki yazılarda etiketlənməsinə imkan verən yeni funksiyasını sınaqdan keçirməyə başlayıb.

QÜTB.AZ xəbər verir ki, istifadəçilər yeni "WhatsApp" statuslarında kontaktları etiketləmə xüsusiyyəti ilə öz paylaşımlarında bir və ya bir neçə kontaktını tag edə biləcəklər. Status paylaşacaq istifadəçilər Status ekranının aşağı sağ tərəfində əlavə edilmiş "@" simvoluna sıxaraq kontaktlarından birini asanlıqla əlavə edə biləcəklər.

Bundan əlavə, "WhatsApp" istənilən postda etiketlənmiş istifadəçilərə bildirişlər göndərməklə yanaşı, eyni zamanda "Instagram"da olduğu kimi paylaşılan postu yenidən paylaşmağa imkan verəcək. Digər tərəfdən qeyd edək ki, etiketləmə yalnız paylaşanlar üçündür. Başqa sözlə, "WhatsApp"ın məxfilik siyasətinə uyğun olaraq, posta baxan digər istifadəçilər cari postda kimin işarələndiyini bilməyəcəklər.

Qeyd edək ki, hal-hazırda platformanın beta versiyasında sınaqdan keçirilən şəxs etiketləmə funksiyasının dəqiq nə vaxt tətbiq ediləcəyi barədə hələ dəqiq məlumat yoxdur.

(Trend)