Rusiya Daxili İşlər Nazirliyi Ukraynanın keçmiş ədliyyə naziri, Milli Təhlükəsizlik və Müdafiə Şurasının keçmiş üzvü Pavel Petrenkonu cinayət işi üzrə axtarışa verib.
Publika.az xəbər verir ki, müvafiq məlumatlar nazirliyin məlumat bazasında yer alıb.
Petrenkonun konkret hansı maddə ilə axtarıldığı göstərilmir.
Bundan əvvəl Rusiya İstintaq Komitəsi Pavel Petrenkoya qarşı Donbassda antiterror əməliyyatının keçirilməsi ilə bağlı qərarlarına görə qiyabi ittiham irəli sürüb. Qeyd olunub ki, onun axtarışı və tutulması istiqamətində tədbirlər davam etdirilir.
