“Narcos”, “The Following”, “The Cleaning Lady” seriallarında, həmçinin “X-Men: Days of Future Past” filmində oynayan meksikalı aktyor Adan Kanto 42 yaşında vəfat edib.
Publika.az xəbər verir ki, bu barədə “Variety” məlumat yayıb.
Bildirilir ki, aktyor bazar ertəsi appendiks xərçəngindən sonra dünyasını dəyişib.
Kanto yaradıcılıq karyerasına Meksikada musiqiçi kimi başlayıb. O, bir neçə Meksika televiziya şousu və filmi üçün mahnılar yazıb, sonra aktyor kimi karyerasına başlayıb. Birləşmiş Ştatlarda debütü 2013-cü ildə “The Following” trillerinin buraxılışından sonra baş verib.
2014-cü ildə o, artıq “X-Men” franşizasının filmlərindən birində rol alıb. O vaxtdan bəri müntəzəm olaraq fəaliyyət göstərib. Aktyor Stefani Enn Kanto ilə evli idi. Onların iki övladı var - Roman Alder və Eva Jozefina.
Tural