Sosial şəbəkələrdə videoları ilə milyonlarca baxış toplayan Ümüd adlı körpənin kirpikləri hər kəsin diqqətini cəlb edib.

Publika.az xəbər verir ki, bu barədə onun atası danışıb.

O bildirib ki, bir çoxlarının təəccüblə izlədiyi kirpiklər onların ailəsi üçün adiləşib:

“Millətə qeyri-adi görünsə də, bizim üçün adi haldır. Nəsildə də var. İrsi olduğu üçün həkim də deyib ki, problem yoxdur. Mənim də uşaq vaxtı kirpiyim o qədər uzun olub ki, yuxudan ayılanda bir-birinə yapışırdı, açılmırdı”.

Valideynləri deyiblər ki, Ümüdün kirpiklərini bir neçə dəfə kəsiblər. Əvəzində isə uşağın kirpikləri daha sıx və cod uzandığı üçün artıq buna ehtiyac duymurlar.

Ətraflı "Baku" TV-nin süjetində: