Ermənistanın keçmiş ətraf mühitin mühafizəsi naziri Aram Arutyunyanın əmlakına həbs qoyulub.
Qutb.az Ermənistan mətbuatına istinadən xəbər verir ki, bu barədə ölkənin Korrupsiyaya Qarşı Mübarizə Komitəsi məlumat yayıb.
"Söhbət həm keçmiş məmurun, həm də onun əlaltılarının 30-dan çox daşınmaz əmlak obyektindən gedir", - məlumatda qeyd olunub.
Belə ki, Arutyunyan 14 milyon dollar rüşvət almaqda və vəzifə səlahiyyətlərindən sui-istifadədə ittiham olunur. Bu işdə keçmiş deputat Aleksan Petrosyan, Suren Avakyan, Sevan psixiatriya xəstəxanasının keçmiş rəhbəri Qaqik Karapetyan, Arutyunyanın qohumları Araks Dilanyan və Viktor Martirosyanın da adı hallanır.
